दिनांक ५ ते १० जानेवारी २०२६ रोजी, स्थानिक राजर्षी शाहू सायन्स कॉलेज, चांदुर रेल्वे च्या women cell व महिंद्रा प्राइड क्लासरूम आणि नंदी फाउंडेशनच्या संयुक्त विद्यमाने येथे बी.ए.सी. भाग ३ च्या विद्यार्थिनींसाठी एक विशेष सहा दिवसीय रोजगारक्षमतेसाठी प्रशिक्षण कार्यक्रम आयोजित करण्यात आला. या उपक्रमाचा मुख्य उद्देश विद्यार्थिनींमध्ये व्यावसायिक जीवनासाठी आवश्यक कौशल्ये विकसित करणे आणि त्यांना भविष्यातील आव्हानांना सामोरे जाण्यासाठी तयार करणे हा होता.
प्रशिक्षण कार्यक्रमाचे उद्घाटन कॉलेजचे प्राचार्य डॉ. पी. आर. वडनेरकर यांच्या प्रमुख उपस्थितीत झाले. या वेळी IQAC समन्वयक प्रा. वाणी सर, प्रशिक्षक श्री देवनाथ पिल्ले, वूमन सेलच्या आयोजिका प्रा. डॉ. संपदा पाथरकर, प्रा. डॉ. रेखा केने, प्रा. डॉ. रोशनी भगत, आणि प्रा. ममता पळसपगार हे उपस्थित होते. या सहा दिवसीय उपक्रमाची सुरुवात राजर्षी शाहू महाराज यांच्या प्रतिमेचे पूजन व दीपप्रज्वलनाने झाली.
प्रास्ताविकात प्रा. डॉ. संपदा पाथरकर यांनी या कार्यक्रमाचे उद्दिष्ट स्पष्ट करताना, व्यावसायिक जीवनासाठी आवश्यक कौशल्ये विकसित करणे किती महत्त्वाचे आहे, हे जोरदारपणे अधोरेखित केले. त्यांनी महिंद्रा प्राइड क्लासरूम प्रोजेक्ट व नंदी फाउंडेशनच्या सहकार्याने चाललेल्या या उपक्रमाची माहिती दिली. या वेळी प्रशिक्षक जुईली पाटील मॅडम यांचे कौतुक करून त्यांना गौरवमाळा व मानपत्र देण्यात आले. तसेच, सहभागी पाहुण्यांना भेट देऊन पुष्पगुच्छ आणि शुभेच्छा देण्यात आल्या.
उद्घाटनाच्या वेळी, प्राचार्य डॉ. वडनेरकर यांच्या अध्यक्षतेखाली या प्रशिक्षणाचा शुभारंभ झाला. त्यांनी विद्यार्थिनींना प्रेरणादायक भाषणात कौशल्यवृद्धीचे महत्त्व स्पष्ट करतेवेळी, “व्यावसायिक जीवनात यशस्वी होण्यासाठी कौशल्ये हीच खरी गुरुकिल्ली आहेत,” असे सांगितले, आणि विद्यार्थिनींना या उपक्रमातून आवश्यक कौशल्यांची जोपासना करावी, असे प्रोत्साहन दिले.
सहाव्या दिवशी, श्री. देवनाथ पिल्ले यांनी विद्यार्थिनींना विविध विषयांवर चर्चा करण्याची संधी दिली. पहिल्या दिवशी, स्वतःला अनोखे बनवण्यावर, शरीरभाषा, व्यावसायिक देखभाल व इंग्रजी भाषेवर प्रशिक्षण दिले. दुसऱ्या दिवशी वक्तृत्व कला, लक्ष्य निर्धारण, वेळ व्यवस्थापन आणि रोजगार संधी या विषयांवर चर्चा झाली. तिसऱ्या दिवशी, व्यावसायिक संवाद, आलोचनात्मक विचारधारा व मुलाखत तयारी यांवर लक्ष केंद्रित करण्यात आले. चौथ्या दिवशी पैसे व्यवस्थापन, प्रकल्प सादरीकरण व मुलाखतीची तयारी या विषयांवर भर देण्यात आला. पाचव्या दिवशी, गट सादरीकरण, वक्तृत्व कौशल्यांचे मूल्यांकन, आणि गट चर्चा यांसारख्या कौशल्यांवर प्रशिक्षण झाले. शेवटी, सहाव्या दिवशी, मतभेद व्यवस्थापन, समस्या सोडविण्याची कला आणि व्यावसायिक नैतिकता या महत्त्वाच्या विषयांवर चर्चा झाली.
हे प्रशिक्षण विद्यार्थ्यांच्या सर्वांगीण विकासासाठी उपयुक्त असून, त्यांच्या करिअरमधील प्रगतीसाठी महत्त्वाचा ठरेल, असे सहभागी विद्यार्थिनींच्या अभिप्रायातून स्पष्ट झाले. कार्यक्रमात कु. प्राची, कु. समृद्धी, कु. समीक्षा आणि कु. शीतल यांनी त्यांच्या अनुभवांचे शब्दात व्यक्त केले. या उपक्रमासाठी ४९ विद्यार्थिनींनी उत्साहाने नोंदणी केली होती.
यशस्वी आयोजनासाठी, वूमन सेलच्या समन्वयक प्रा. डॉ. संपदा पाथरकर, सहयोजक प्रा. डॉ. केने, प्रा. डॉ. भगत व प्रा. डॉ. पळसपगार यांनी महत्त्वपूर्ण भूमिका बजावली. प्रशिक्षक श्री देवनाथ पिल्ले यांना त्यांचे आभार मानत त्यांचा गौरव करण्यात आला.
या उपक्रमामुळे विद्यार्थिनींना व्यावसायिक कौशल्ये विकसित करुन, भविष्यातील यशासाठी योग्य दिशेने प्रेरीत करणारा अनुभव प्राप्त झाला आहे. फोटोग्राफर म्हणून श्री हर्षवर्धन बडेराव यांनी या कार्यक्रमाची छायाचित्रे घेतली, तर व्हिडिओ मेकर आदित्य ठाकरे यांनी महत्त्वपूर्ण योगदान दिले. शिक्षकेतर कर्मचारी म्हणून श्री आम्बटकर, श्री उईके, श्री बारोकर, श्री मालवे, श्री पाचकवडे, श्री निर्मल, श्री राठोड व श्री इंगळे यांनी देखील आपली मेहनत आणि समर्पणाने या कार्यात सहयोग दिला.
