धामणगाव रेल्वे : शहरात सुरू झालेल्या दुर्गाउत्सव काळात कुठलाही अनुचित प्रकार घडू नये म्हणून पोलीस अधीक्षक विशाल आनंद यांच्या मार्गदर्शनाखाली, एच.डी.पी.ओ. साहेब चादूर रेल्वे व ताथोड यांच्या देखरेखीखाली स्थानिक पोलीस स्टेशनतर्फे आज भव्य रूट मार्च काढण्यात आला.
या संचलनाचे नेतृत्व ठाणेदार गिरीश तातड यांनी केले. पोलीस दलाचे जवान शहरातील मुख्य मार्ग, चौक व वस्ती भागातून शिस्तबद्ध पद्धतीने संचलन करत गेले. या दिमाखदार संचलनामुळे नागरिकांत सुरक्षिततेचा विश्वास निर्माण झाला.
प्रशासन सज्ज : चौक-चौरस्त्यांवर विशेष लक्ष. गर्दीच्या भागात अतिरिक्त पोलीस बंदोबस्त. दिवस-रात्र गस्त व पेट्रोलिंगची व्यवस्था
नागरिकांना आवाहन
दुर्गाउत्सव मोठ्या उत्साहात साजरा करताना शांतता, सुव्यवस्था आणि बंधुभाव जपावा. अफवांवर विश्वास ठेवू नये, आणि अडचण आल्यास त्वरित पोलिसांशी संपर्क साधावा, असे आवाहन प्रशासनाने केले आहे.
