अखिल नटराजम् आंतरसंस्कृतिक संघ, नागपूर (CID – इंटरनॅशनल डान्स कौन्सिल, पॅरिस – फ्रान्सचे सदस्य) यांच्या वतीने आयोजित ऑल इंडिया २०वी कल्चरल नॅशनल डान्स कॉन्टेस्ट अँड फेस्टिव्हल – “नृत्य दर्पण” ही भव्य राष्ट्रीय नृत्यस्पर्धा दि. २८ ते ३१ डिसेंबर २०२५या कालावधीत पुणे, महाराष्ट्र येथे संपन्न झाली.
या राष्ट्रीय स्तरावरील स्पर्धेत सप्तरंग कथ्थक अकॅडमी व स्कूल ऑफ स्कॉलर्स, धामणगाव रेल्वे येथील विद्यार्थिनी उर्वी मंगेश राजनकर व सावी सतीश राठोड यांनी ज्युनिअर वयोगटातील समूह नृत्य प्रकारात भारतीय शास्त्रीय कथ्थक नृत्य सादर केले.
देशभरातून सहभागी झालेल्या सुमारे ३०० शास्त्रीय नृत्य सादरीकरणांमधून उर्वी राजंनकर व सावी राठोड यांनी आपल्या उत्कृष्ट, तालबद्ध व भावपूर्ण सादरीकरणाच्या जोरावर तृतीय पारितोषिक पटकावले. त्यांच्या शास्त्रीय शुद्धतेने युक्त सादरीकरणाने परीक्षकांची विशेष प्रशंसा मिळवली.
या उल्लेखनीय यशाबद्दल शाळेच्या प्राचार्या श्रीमती प्रचिती धर्माधिकारी* यांनी विद्यार्थिनींचे अभिनंदन करून त्यांच्या पुढील कलात्मक वाटचालीस शुभेच्छा दिल्या. तसेच पालक व शिक्षकानी ही या यशाबद्दल समाधान व्यक्त करत विद्यार्थिनींचे कौतुक केले.
या यशामुळे शाळेच्या नावलौकिकात भर पडली असून इतर विद्यार्थ्यांनाही शास्त्रीय कला क्षेत्रात प्रगती करण्याची प्रेरणा मिळाली आहे.
