समाजोपयोगी उपक्रमांसोबत विविध स्पर्धांमुळे मंडळ चर्चेत
धामणगाव (ता. रेल्वे) :
श्रीछत्रपती शिवाजी महाराज चौक येथे स्थापन असलेल्या वक्रतुंड गणेश मंडळाच्या वतीने उद्या दिनांक 9 सप्टेंबर 2025 रोजी महाप्रसादाचे आयोजन करण्यात आले आहे. या प्रसंगी शहर व परिसरातील गणेशभक्तांनी मोठ्या संख्येने उपस्थित राहावे, असे आवाहन मंडळाच्या पदाधिकारी व कार्यकर्त्यांतर्फे करण्यात आले आहे.
समाजोपयोगी उपक्रम
गणेशोत्सव काळात मंडळाने विविध सामाजिक उपक्रम राबवले. स्वच्छता अभियान, विद्यार्थ्यांना शालेय साहित्य वाटप, मोफत आरोग्य तपासणी शिबिर व पर्यावरणपूरक गणेशोत्सव जनजागृती या उपक्रमांना नागरिकांचा चांगला प्रतिसाद मिळाला.
विविध स्पर्धा रंगल्या
मंडळाने गणेशोत्सवाच्या निमित्ताने नागरिकांसाठी आकर्षक व मनोरंजक स्पर्धा घेऊन उत्सव अधिक रंगतदार केला. त्यामध्ये –
चित्रकला स्पर्धा
रांगोळी स्पर्धा
स्लो सायकल शर्यत
मटका फोडणी
संगीत खुर्ची
या स्पर्धांना लहानांपासून मोठ्यांपर्यंत सर्वांनी उत्स्फूर्त सहभाग नोंदवला.
धार्मिक उत्सवाबरोबर समाजोपयोगी व सांस्कृतिक उपक्रमांची मेजवानी देत वक्रतुंड गणेश मंडळाने परिसरात वेगळी छाप उमटवली आहे.
गणपती बाप्पा मोरया!
