माता रानी गणेशजीसाठी मोदक बनवण्याची थीम ठरली आकर्षण
धामणगाव रेल्वे : येथील सवौदय नवदुर्गा उत्साही मंडळ, हनुमान देवस्थान, एलआयसी ऑफिसच्या मागे आयोजित नवरात्र उत्सव मोठ्या भक्तिभावाने आणि जल्लोषात सुरू आहे.
दरवर्षी आगळ्यावेगळ्या थीमद्वारे मंडळ परिसरातील भक्तांचे लक्ष वेधून घेत असते. यंदा माता रानी व गणेशजीसाठी मोदक बनवण्याची खास थीम उभी करण्यात आली आहे. ही आकर्षक सजावट पाहण्यासाठी परिसरातील नागरिक मोठ्या संख्येने उपस्थित राहत असून भाविक श्रद्धेने दर्शन घेत आहेत.
भव्य गरबा रंगला
संध्याकाळनंतर रोजच्या कार्यक्रमात गरबा नृत्याचे आयोजन केले जाते. महिला, युवती व तरुणाईचा यात मोठा सहभाग असून पारंपरिक वेशभूषेत सादर होणाऱ्या नृत्यामुळे उत्सवाचे वातावरण रंगतदार झाले आहे.
खेळ व सांस्कृतिक कार्यक्रमांनी रंगत वाढवली
नवरात्र उत्सवाच्या दरम्यान रोज वेगवेगळे खेळ, संगीत खुर्ची स्पर्धा आणि इतर सांस्कृतिक कार्यक्रमांचे आयोजन केले जात आहे. त्यामुळे लहानांपासून मोठ्यांपर्यंत सर्व वयोगटांचा सहभाग वाढत आहे.
भाविकांचा उत्स्फूर्त प्रतिसाद
गावातील तसेच आजूबाजूच्या परिसरातील नागरिक मोठ्या संख्येने सहभागी होत असून मंडळाचा नवरात्र उत्सव गावातील श्रद्धा, भक्ती आणि एकोप्याचे प्रतीक ठरत आहे.
माता रानी व गणेशजीसाठी मोदक बनवण्याची थीम खास आकर्षण. परिसरातील नागरिकांचा उत्स्फूर्त सहभाग रोज भव्य गरबा नृत्याचे आयोजन. वेगवेगळे खेळ, संगीत खुर्ची स्पर्धा. भक्तिभाव व सांस्कृतिक उर्जेचा संगम.
