चांदुर रेल्वे तालुका प्रतिनिधी
दरवेळी शहराची वाढती लोकसंख्या त्यात शाश्वत जलस्तोत्राची कमतरता मागील १५ वर्षात माजी लोकप्रतिनिधीचां उदासीनपणा त्यामुळे वेळेवर पाणी न मिळणाऱ्या चांदुर रेल्वे शहरासाठी आमदार प्रतापदादा अडसड यांनी भगीरथी खेचून आणत अमृत -२.० मधून तब्बल ६३.६१ कोटी रुपयाची ही पाणीपुरवठा योजना मंजूर करून चांदुरवासीयांसाठी जलसंजीवनी आणली आहे आगामी काही दिवसात या शहराला आता २४ तास स्वच्छ पाणी आमदार अडसड यांनी युद्ध स्तरावर केलेल्या प्रयत्नामुळे मिळणार आहे
तालुक्याचे केंद्रबिंदू असलेल्या चांदूर रेल्वे शहराची लोकसंख्या २५ हजाराच्या घरात आहे या शहराला मागील ४० वर्षापासून मालखेड तलावातून पाणीपुरवठा होते शाश्वत पाण्याच्या स्त्रोताची कमतरता असल्याने नागरिकांना दरवर्षी पाणीटंचाईला सामोरे जावे लागते पाणीपुरवठ्याचा प्रश्न सोडविण्याऐवजी मागील काळात राज्यात सत्ता असताना ही माजी लोकप्रतिनिधी येथे १५ वर्ष केवळ आरोप प्रत्यारोपाचे राजकारण केले
आ प्रतापदादा अडसड यांनी पहिल्याच रेजीममधे दिलेला शब्द पाळला… चांदुरकरांना जलसंजीवनी मिळणार
या शहराला सुरळीत पाणीपुरवठा व्हावा म्हणून प्रथम प्रकल्पाच्या पाण्याचे आरक्षण करण्यात आले त्यानंतर १ मार्च रोजी मुंबई येथे प्रधान सचिव के. एच, गोविंदराज यांच्या अध्यक्षतेखाली लगेच त्यांनी बैठक घेतली व ६३.६१ कोटीच्या प्रकल्पाला प्रशासकीय मान्यता मंजूर करून घेतली
वर्षानुवर्षांची सुटणार पाणी समस्या
३१ किलोमीटर अंतरावरून पाईपलाईन टाकण्यात येणार असून शहरात पाण्याच्या टाक्या उभारण्यात येणार आहे नगरपरिषदेवर विद्युत देयकाचा अधिभार पडू नये म्हणून सोलर पॅनल उभारण्याचे योजनेतच समाविष्ट केले असल्याचे पत्रकार परिषदेत आमदार प्रतापदादा अडसड यांनी सांगितले यावेळी पत्रकार परिषदेला धामणगाव विधानसभा प्रमुख रावसाहेब रोठे ,भाजपा तालुकाध्यक्ष बबनराव गावंडे, शहराध्यक्ष बंडू भुते, समीर भेंडे ,बच्चू वानरे, अजय हजारे, प्राविण्य देशमुख, गोलू यादव, गोलू गायकवाड, विजय मिसाळ, अंकित कदम, यांच्यासह दिपाली मिसाळ,तेजस वाट, जगदीश होले, गजानन जूनघरे,रोशन बोडखे,सोनु पठाण,प्रदीप जळीत,सुरज चौधरी,सुषमा खंडार,सविता ठाकरे उपस्थीत होते.
