तुलजाई नगर येथील श्री तुलजा भवानी संस्थानात सोमवार, दि. २२ सप्टेंबर रोजी सकाळी घटस्थापना विधीने नवरात्रोत्सवाची सुरुवात झाली. शुभारंभ श्री. राजेंद्र पाडेकर परिवार यांच्या हस्ते झाला.
नवरात्रोत्सवानिमित्त दररोज हरिपाठ, सकाळी-सायंकाळ कीर्तन, भजन, तसेच दुपारी महाप्रसादाचे आयोजन करण्यात आले आहे. गुरुवार, दि. २५ सप्टेंबर रोजी धार्मिक व सामाजिक विशेष कार्यक्रम होणार आहेत.
उत्सवाची सांगता बुधवार, दि. १ ऑक्टोबर रोजी दुपारी महाप्रसाद व सायंकाळी घट विसर्जनाने होईल. या काळात अखंड ज्योती संकल्प योजना, नगरप्रसाद व शाश्वत शेव संकल्प योजना राबविण्यात येणार आहेत.
संस्थानातर्फे सर्व भाविकांना उत्सवात सहभागी होण्याचे आवाहन करण्यात आले आहे.
