अमरावती जिल्हात चांदुर रेल्वे तालुक्यातील श्री क्षेत्र सावंगा (विठोबा) येथील श्री विठोबा संस्थान उर्फ श्रीकृष्ण अवधूत बुवा संस्थान येथे दिनांक ३०/१२/२०२४ सोमवारला सकाळी ५.०० वाजता संस्थानचे लहान मंदिरात विधीवत ढाल बसवून मुख्य मंदिरात पौष मांडीचा शुभारंभ महाराजांच्या गणाने विश्वस्त मंडळ आणि भाविक भक्तांचे उपस्थित होत आहे. सकाळी ९.०० वाजता संस्थानमध्ये सोमवती अमावस्या निमित्त भजनासह खोलाड तिरी स्नानाचा कार्यक्रम, दुपारी ४.०० वाजता संस्थानच्या वतीने अमावस्या निमित्त “चंदन – ऊटीचा कार्यक्रम” आणि रात्री ८ ते १० संस्थानमध्ये अवधूत नाम प्रबोधनकार वासुदेव चोपकर, वर्हा जि. अमरावती यांचा महाराजांचे ओवीवर प्रवचन इ. कार्यक्रम आयोजित करण्यात आले आहेत.
चंदनउटी नंतर बाहेर गावावरून येणारे भाविकांकरिता “महाप्रसाद कार्यक्रम” संस्थानचे अन्नदान समितीच्या नियोजनात आयोजित करण्यात आला आहे.
संस्थानमध्ये दि.३०/१२/२०२४ ते दि.३०/१/२०२५ पर्यंत संस्थान तर्फे “पौष मास” निमित्त “अखंड जागृती भजन” मांडीचे आयोजन करण्यात आले आहे. यामध्ये गावातील आणि बाहेर गावातील अवधूत भजन मंडळांचा सहभाग राहणार असून या करिता संस्थानचे वतीने नियोजन करण्यात आले आहे.संस्थान तर्फे सहभागी अवधूत भजन मंडळाचा सन्मान करण्यात येऊन दैनंदिन चहा,नास्ता आणि भोजन इ.व्यवस्था करण्यात आली आहे.
तरी सर्व भाविक- भक्तांनी तन-मन-धनाने सहकार्य करून या कार्यक्रमाचा लाभ घ्यावा, अशी विनंती संस्थानचे अध्यक्ष पुंजाराम नेमाडे, उपाध्यक्ष कृपासागर राऊत, सचिव अशोक सोनवाल सर्व विश्वस्त विनायक पाटील,वामण रामटेके,गोविंद राठोड,अनिल बेलसरे,फुलसिंग राठोड,चरणदास कांडलकर,लक्ष्मण राठोड वैभव मानकर, स्वप्निल चौधरी समस्त विश्वस्त मंडळाच्या वतीने करण्यात येत आहे.
