“……. सामाजिक क्रांतीचे अग्रदूत, भारतरत्न डॉ. बाबासाहेब आंबेडकर या महापुरुषांनी भारतीय समाज व्यवस्थेत अiमृलाग परिवर्तन घडवून आणण्याच्या दृष्टीने विशेष क्रांतिकारी कार्य केले.डॉ. बाबासाहेब आंबेडकर हे क्रांतिकारी समाज सुधारक, अस्पृश्यांचे उद्धारक ,भारतीय संविधानाचे शिल्पकार, बौद्ध धम्म प्रवर्तक ,त्याचप्रमाणे एक महान शिक्षण तज्ञ होते.
तथागत बुद्ध आणि चक्रवर्ती सम्राट अशोक यांच्यानंतर भारत देश व जगासमोर न भूतो न भविष्यती अशा कार्यकर्तृत्वामुळे परिवर्तनाचे दिशादर्शक म्हणून डॉक्टर बाबासाहेब आंबेडकरांकडे पाहिले जात आहे. सामाजिक परिवर्तनाच्या या अग्रदूताच्या बुद्धीची झेप त्यांची हुशारी त्याचबरोबर त्यांचा सहानुभाव आणि त्यांची जिद्द, चिकाटी साऱ्या गोष्टी ह्या आपल्याला या जीवनात अलौकिक अशा वाटतात. त्यामुळे समता ,स्वातंत्र्य ,बंधुभाव , न्याय या नीती मूल्याच्या आधारे भारतीय संविधानाची निर्मिती करून, देशाच्या सर्वांगीण विकासात सिंहाचा वाटा असल्यामुळे आणि भारताला अखंड सार्वभौम प्रजासत्ताक लोकशाही राष्ट्र अशी ओळख करून दिल्यामुळे डॉ. बाबासाहेब आंबेडकर हे जगाचे आकर्षण बनले आहेत .विषमतेच्या ज्वाला शांत करणाऱ्या दयासागराची क्रांतीने मशाल हातात घेऊन मानवतेवरील कलंक पुसून टाकला आहे. जातीवादी वर्णभेदामुळे शाळेच्या बाहेर बसणाऱ्या या महामानवाने देशाचे संविधान लिहिले हे एक आश्चर्यच म्हणावे लागेल.
भारतरत्न डॉ.बाबासाहेब आंबेडकर यांचे आधुनिक भारताच्या उभारणीतील योगदान ऐतिहासिक आणि दूरगामी परिणाम करणारे ठरले आहे. देशाच्या राजकीय ,सामाजिक,आर्थिक, शैक्षणिक, वाटचालीसाठी एक परिपूर्ण मार्गदर्शक ठरलेल्या या भारतीय संविधानाच्या निर्मितीपुरते ते मर्यादित नाही. त्यांच्या कर्तबदारीचा आवाका फार मोठा आणि विविध अंगी असून या महामानवच्या व्यक्ती महत्त्वाचे अनेक श्रेष्ठ पैलू आम्ही आमच्या एका टेलिव्हिजन सिरीयल मधून समाजापुढे आणि जगापुढे वीस मिनिटांमध्ये मांडणार आहेत.
भारतरत्न. डॉ. बाबासाहेब आंबेडकर या महान व्यक्तिमत्त्वाच्या वैयक्तिक जीवनावर आम्ही एक,” शॉर्ट फिल्म ,” तयार करीत असून , त्याचे प्रोडक्शन आणि डायरेक्शन चे काम आम्ही विजयादशमीपासून सुरू करणार आहोत.या शॉर्ट फिल्मची संपूर्ण तयारी झाली असून, याचे शूटिंग डॉक्टर .बाबासाहेब आंबेडकरांच्या जन्म गावी आणि त्यांच्या सातारा येथील शाळेपासून आम्ही सुरू करणार आहोत.
या शॉर्ट फिल्मचे डायरेक्टर आणि लेखक- अमोल सावंत असून, प्रोडूसर म्हणून समाजभूषण- राजाभाऊ गडलिंग आणि सुखदेव ढोके यांच्या नेतृत्वात हे ,” शॉर्ट फिल्मची ,” संपूर्ण शूटिंग आम्ही सुरू करणार आहोत.
सर्वप्रथम डॉ. बाबासाहेब आंबेडकर – “बाप माणूस ,”या पोस्टरचे आम्ही नुकतेच प्रदर्शन केले असून, ते पोस्टर वाचकांच्या आणि जनतेच्या माहितीकरिता प्रकाशित करीत आहोत.
(राजाभाऊ गडलिंग,)
महाराष्ट्र शासनाचा:-डॉ. बाबासाहेब आंबेडकर समाज भूषण पुरस्कार प्राप्त .
